sjoen kin toch ’t leve zien
mèt e lekker gleeske wien
loer ins roond wat zègk iech diech
niemes mèt e laank geziech
zing mèt miech mèt de gansen daag
zinge is e fees
zègk noe zelf zoe sjoen wie noe
is ’t lang neet mie gewees
de maaks get mèt dat zègk iech diech
’t leve is neet ummer liech
de mós ’t numme wie ’t kump
egaal wat diech ouch euverkump
daorum zègk iech altied weer
geneet devaan en maak plezeer
es ’t de meziek neet gaof
daan waore veer pas ech gestraof
zinge deit diech d’rek al good
’t hölp diech aon e good gemood
de veuls diech d’rek ’nen aandere mins
este mer eve zinge kins
de lach verdringk daan ’t sjegrijn
en de pijn deit minder pijn
wat is sjoender es de zaank
es iech neet zing daan bin iech kraank
veer zinge es ’t eve geit
veer hawwe vaan gezellegheid